Ихэнх бүсгүйчүүд эрчүүдийн харааг булаахын тулд өөрийн бие галбирыг тодотгосон бариу болон торон хувцас өмсөх нь бий. Гэхдээ энэ бүхнээс илүү тэдний анхаарлыг тун хачирхалтай зүйлс татдаг гэнэ шүү. Ингээд охид, бүсгүйчүүд минь анхаарлаа нааш нь хандуулаарай.
- Арзгар үс
Ихэнх эрчүүдэд үхэрт долоолгосон мэт үс сайхан харагддаггүй гэнэ. Мөн тэд хатуу үсэнд хүрэх дургүй байдаг бөгөөд ороосон, хүнд үс засалттай эмэгтэйчүүдийг яг л 18, 19-р зууны үеийн хатагтай нар шиг хэмээн боддог аж. Харин бага зэрэг арзгар үстэй эмэгтэйчүүд илүү эмэгтэйлэг, тав тухтай мэт харагддаг байна.
- Классик буюу ажил хэрэгч хувцаслалт
Эрчүүдэд зөвхөн богино банзал, хүйс гарсан цамц л таалагддаг гэж бодож байна уу? Тэгвэл судалгаанд оролцсон эрчүүдийн талаас илүү хувьд нь ажил хэрэгч хувцаслалттай бүсгүйчүүд таалагддаг гэжээ. Тэгэхээр та харандаан банзал, ажил хэрэгч цамц, бүсэлхий тодотгосон жакет, өндөр өсгийт өмсвөл эрчүүдийн анхаарлыг ихэд татах аж.
- Уур
Энэ хамгийн хачирхалтай зүйл хэдий ч уурласан, ууртай харцтай эмэгтэй эрчүүдэд маш ихээр таалагддаг гэнэ шүү .
- Хоол сайн иддэг
Эрчүүдэд байцааны салат иддэг эмэгтэйгээс илүү хачиртай талхыг амтархан иддэг бүсгүйчүүд таалагддаг байна.
- Бяцхан гэдэс
Гэдсэндээ 6 булчинтай эмэгтэйчүүд эрчүүдэд төдийлөн секси харагддаггүй байна. Харин тэдэнд зөв галбиртай, зөөлхөн жижигхэн гэдэстэй эмэгтэйчүүд таалагддаг аж.
- Нүдний шил
Сургуулийн хүүхдүүд л нүдний шилийг шоолдог бол насанд хүрсэн эрчүүдэд энэ нь үнэхээр их таалагддаг байна. Нүдний шилтэй эмэгтэй хурц, секси харагдаж чаддагаас гадна заримдаа даруухан, ичимхий болох нь ч бий. Тэгэхээр аль ч тохиолдолд та эрчүүдэд таалагдана гэдэгтээ итгэлтэй байгаарай.
- Намуухан дуу хоолой
Ихэнх эрчүүд намуухан хоолойтой бүсгүйчүүдийг сонирхдог байна. Гэхдээ бага зэрэг сөөнгө байсан ч болно гэнэ шүү.
- Урт банзал
Хэт богино банзал өмссөн үед эр хүн бүр эргэж харах нь мэдээж. Харин урт банзал нь таныг нууцлаг нэгэн болохыг илэрхийлдгээс гадна эрчүүдэд маш эмэгтэйлэг харагддаг байна.
- Хөгжмийн зэмсэг тоглож чаддаг байх
Олон эрчүүдэд хөгжмийн зэмсэг тоглож чаддаг бүсгүйчүүд таалагддаг ажээ. Нарийхан сүмбэн хуруугаараа төгөлдөр хуур дарах, эсвэл гитар тоглох нь тэдний анхаарлыг тун ихээр татдаг байна.
- Борлоогүй биеийн арьс
Биеийн тодорхой нэг хэсэг борлоогүй байвал эрчүүдийн анхаарлыг маш ихээр татаж, тэдэнд олон бодлыг төрүүлдэг гэнэ. Тиймээс хэрвээ усны хувцас доорх хэсэг тань борлоогүй бол санаа зовох хэрэггүй юм.
