Нүүр Сонин хачин ШӨХТГ: НӨАТ-ын ажилтан гэр бүлээрээ 36 удаа азтан болсон эсэхийг шалгаж байна

ШӨХТГ: НӨАТ-ын ажилтан гэр бүлээрээ 36 удаа азтан болсон эсэхийг шалгаж байна

8 секунд уншина
0
0
144

Шударга өрсөлдөөн, хэрэглэгчийн төлөө газар НӨАТ-ын сугалаа шударга явагддаг эсэхэд хяналт, шалгалт хийж байгаа билээ. Шалгалт энэ долоо хоногт дуусах ба ШӨХТГ-ын дарга Б.Бат-Эрдэнэ дараах мэдээллийг өглөө.

Тэрээр “НӨАТ-ын IT, их хэмжээний мөнгө хожсон тохиолдол, бага хэмжээний мөнгөн дүнгээр олон удаа азтан болсон тохиолдол гээд нийт 3 төрлийн шалтгалтыг хийж байна.

НӨАТ-тай холбоотой ажилладаг 170 орчим албан хаагчид байгаа ба тэднийг шалгаж байна. Мөн хуучин ажиллаж байсан 70 орчим хүн байна. Шалгалтад ЦЕГ, ХХМТГ, “Transparency International Mongolia” байгууллага, ШӨХТГ болон иргэний төлөөлөл оролцож байгаа юм. Азтан тодруулах явцад ашигладаг бөмбөлгийн төхөөрөмж, тэр дундаа бөмбөлөгийн хүнд, хөнгөн байдлыг шалгасан. Хөнгөн бөмбөг илүү хурдан дээш гарч ирнэ. Ийм хардлага, сэрдлэг 2016 оноос хойш байсаар байна.

Анх 2018 оны есдүгээр сард нэгэн иргэн “36 удаа азтан болсон талаарх” мэдээллийг олон нийтийн сүлжээнд бичсэн. Тэр хүн 2018, 2019 онд эрүүгийн цагдаагийн газар байцагдсан ба “Бусдаас хуулж тавьсан” гэх тайлбарыг хэлж байгаа юм. Тиймээс бид НӨАТ-ын IT инженер үнэхээр 36 удаа азтан болж, хоёр удаа 20 сая төгрөг авсан уу, ингэхдээ мэдээлэл технологийг ашигласан уу гэдгийг шалгаж байна. Үүнийг цагдаагийн байгууллагатай хамтран хийж байгаа ба хэрэв үнэхээр албан үүргээ урвуулан ашигласан бол хариуцлага хүлээнэ. Хэрэв үгүй бол тус албан байгууллага болон энд ажилладаг албан хаагчдыг гүтгэсэн хэрэг болно. Үүнд цэг тавих зорилготой шалгалт хийж байна” гэлээ.

Эх сурвалж: GoGo.mn

Load More Related Articles
Load More By admin
Load More In Сонин хачин

Leave a Reply

Your email address will not be published. Required fields are marked *