Нүүр Сонин хачин Pfizer, Moderna, AstraZeneca компанийн вакцинуудыг өнөөдөр Монгол Улсын эмийн бүртгэлд бүртгэжээ

Pfizer, Moderna, AstraZeneca компанийн вакцинуудыг өнөөдөр Монгол Улсын эмийн бүртгэлд бүртгэжээ

19 секунд уншина
0
0
95

Өнгөрсөн хугацаанд коронавирусийн эсрэг Pfizer, Moderna, AstraZeneca гэсэн гурван гол вакцин үйлдвэрлэгдэн гараад буй. Тэгвэл эдгээр гурван үйлдвэрийн вакциныг өнөөдөр Монгол Улсын эмийн бүртгэлд бүртгэсэн талаар Эрүүл мэндийн сайд Т.Мөнхсайхан мэдээлэл өглөө.

Ингэснээр манай улс иргэдээ коронавирусийн дархлаажуулалтад хамруулах бэлтгэлээ бүрэн хийж дуусаж байгаа тэрбээр онцоллоо. Цаашдаа вакциныг богино хугацаанд оруулж ирэх талаар анхааран ажиллахаа Т.Мөнхсайхан сайд хэллээ.

Өнөөдрийн байдлаар есөн үйлдвэрлэгчийн вакциныг дэлхийн 41 орны 24 сая хүнд хийгээд байгаа аж. ДЭМБ өнгөрсөн оны арванхоёрдугаар сарын 31-ний өдөр Pfizer-ийн вакциныг албан ёсоор бүртгэсэн.

Манай улс Дархлаажуулалтын тухай хуулийнхаа дагуу ДЭМБ-аас баталгаажуулж, бүртгэсэн вакциныг хүн амдаа хийнэ.

“Вакцинжуулалтын бүртгэлийн нэгдсэн дэвтэр манай улсад байдаггүй. Тиймээс коронавирусийн эсрэг дархлаажуулалтын үеэр иргэдээ вакцины бүртгэлийн дэвтэртэй болгоход анхаарч ажиллаж байна. Вакциныг нэн тэргүүнд өндөр эрсдэлтэй байгаа эмч, эмнэлгийн ажилтнуудад, дараагийн ээлжид халдвар авах өндөр эрсдэлтэй өндөр настнууд, архаг суурь өвчтэй хүмүүсээ дархлаажуулах гэгчлэн үндэсний төлөвлөгөөгөө баталсан” хэмээн ЭМ-ийн сайд Т.Мөнхсайхан хэллээ.

Шинэ коронавирусын халдвараас урьдчилан сэргийлэх зөвлөмж, сэрэмжлүүлгийг мэдээллийн баталгаатай эх үүсвэр болох ЭМЯ-ны вэб хуудас (www.mohs.mn), фэйсбүүк цахим хуудас (https://www.facebook.com/www.mohs.mn/), НЭМГ-ын вэб хуудас (www.ubhealth.mn), фэйсбүүк цахим хуудас (https://www.facebook.com/ubemgazar/ хаягнаас авч байх. Шинэ коронавирусын өвчлөл бүртгэгдсэн улс руу зорчихгүй байх /ялангуяа БНХАУ/. Олон хүн цугларсан газарт очихоос зайлсхийх, агаарын солилцоо муутай заал, танхимд нийтийг хамарсан үйл ажиллагаанд оролцохоос зайлсхийх. Салхивчаа нээж, агаар салхи оруулж байх.

Өдөр бүр гэр орон, албан тасалгаандаа агаар салхи оруулж, агаарын солилцоог сайжруулж байх нь амьсгалын замын өвчний халдварлалтаас сэргийлэх сайн талтай. Хувийн ариун цэврийг сайн сахих. Савангаар хөөсрүүлж гараа 20 секундээс багагүй хугацаанд нямбай угаах, ханиаж найтаасан бол гараа халдваргүйтгэх. Ханиах, найтаах үедээ цэвэр салфеткаар ам, хамраа таглах юмуу эсвэл тохойгоороо халхалж шүлс, нус, цэрээ үсрэхээс болгоомжлох, гарын алгаар ам, хамраа таглахгүй байх. Байнга биеийн байдлаа хянаж, халуурах шинж тэмдэг эхэлбэл эмчид яаралтай хандах. Амны хаалтыг зүүхдээ нугалж байгаа хэсгээ гүйцэд дэлгээд ам, хамар, эрүүгээ бүгдийг халхалсны дараа хамрын самсааны дээд хэсгээр чанга хавчиж, амны хаалт болон хацар нүүрний хэсгийг сайтар наалдуулна. Амны хаалтыг зүүхээс өмнө гараа угааж, амны хаалтны дотор талыг бохирдуулахаас сэргийлэх. Нэг удаагийн амны хаалтыг 2-3 цаг тутам сольж хэрэглэн, тайлахдаа гадна талын амны бохир хэсэгт гар

хүргэлгүй, чихний уяанаас барьж устгах. Өдөр тутмын хоолны бүтцийг чухалчлах, шим тэжээлийн зохистой байдалд анхаарч мах, гурил, будаа, жимс ногооны харьцааг тэнцүүлэн, витаминыг хоолоор нөхвөрлөн, ус зохих хэмжээгээр уух. Идээ ундаагаар шинэ хэлбэрийн коронавирусын халдварлалтаас сэргийлэх зорилгоор зарим төрлийн идээ, ундаа, архи согтууруулах ундааны тухай элдэв цуу яриаг туршиж, хугацаа алдалгүйгээр эрүүл мэндийн байгууллагад хандах. Өрөө тасалгаандаа чийгтэй цэвэрлэгээг өдөрт 2-оос доошгүй удаа хийж, гар их хүрч болох, амархан бохирдох эрсдэлтэй хаалганы бариул, код, гар утас, компьютер, дэлгэц, унтраагуур, ширээ, ариун цэврийн өрөө зэргийн цэвэрлэгээ, халдваргүйжүүлэлтийг 2 цаг тутам болон бохирлогдсон тохиолдол бүрт хийх. Ил бөөлжис, нус, цэр, ялгадасыг салфетка, нойлын цаасыг ашиглан шингээж арчих,

халдваргүйтгэх бодисоор бохирдсон газар болон орчин тойрныг халдваргүйтгэх. Бага насны болон нярай хүүхдийг байнга үнсэхээс зайлсхийх. Амьтантай шууд гараар хүрэлцэх, өвчтэй мал амьтныг муулах, үхсэн мал амьтны сэг зэмд хүрэх, зэрлэг амьтны мах идэхээс татгалзах. Хооллохдоо ямар ч тохиолдолд зөвхөн өөрийн аяга, таваг, халбага, сэрээ, савхаар идэх. Хамгийн гол нь, хүүхдүүдэд бусад хүний ууж хэрэглэсэн аяга, тавгийг хэрэглэхгүй байхыг сануулж, ундааны соруул гэх мэтийг ам дамжуулан хэрэглэхгүй байх талаар хэлж, ойлгуулах. Гэр бүлийн гишүүн бүрийн тоогоор нүүр гарын алчуур, шүдний сойз хэрэглэх, тогтмол угааж, ариутгаж байх. Нийтийн эзэмшлийн газар, гудамж, талбайд нус, цэр, шүлсээ ил задгай хаяхгүй байх. Хогийн савыг дүүргэлгүй суллаж, цэвэрлэж халдваргүйжүүлж байх зэрэг болно.

Load More Related Articles
Load More By admin
Load More In Сонин хачин

Leave a Reply

Your email address will not be published. Required fields are marked *