Нүүр Сонин хачин П.Анужин: Ковидийн эерэгшлийг тоолж хөөгөөд нэмэргүй болох шиг боллоо.

П.Анужин: Ковидийн эерэгшлийг тоолж хөөгөөд нэмэргүй болох шиг боллоо.

15 секунд уншина
0
0
140

Алдаж тавьчихаад араас нь хөөн таварцаглах нь ухаан дутсаных, Урьтаж таниад сэргийлж дийлэх нь Ухаан хүрсэнийх!

Ковидийн эерэгшлийг тоолж хөөгөөд нэмэргүй болох шиг боллоо. Өвдсөнийх нь дараа бус өвдөхөөс нь өмнө урьтан сэргийлэх арга зөвхөн ковидийн биш 21-р зууны Эрүүл мэндийн суурь үзэл байх ёстой!

Хүн төрөлхтнийг олон төрлийн сорил, олон төрлийнвирус хүлээж буй. Сорил бүхэнд амь амьжиргаагаа алдаж, вирус бүхэнд олноороо үрэгдэхгүй байхын тулд хувь хүний хариуцлага ухамсар, мэдлэг боловсрол хамгийн чухал болно!

Иргэдээ соён гэгээрүүлж, сэрж таниулах асуудал бол Монгол төрийн үндсэн бодлого байх ёстой! Нийтэд хэлж, бичиж буй бүхнээ үйл болгохын төлөө хичээж байна.

Хатуухан шалгуурынхаа хариуд ухаарал нэхсэн, ухаж онохгүй аваас хатуурхал зарлигдсан цөвүүн цагийн чангахан шүүлтүүрийг хүн төрөлхүйтэн туулан байна.

Элгэн нутаг үнэтэйг, эрүүл мэнд цэнэтэйг, нэгээс нийт шалтгаалдгийг таниулсан нэгэн он улиран байна. Гадагш бус чинагш төвлөрч, гадуур бус галдаа түвдэж, эрхийг бус эглийг эрхэмлэн энх цагийг урих нь!

Оюуныг эрхэмлэвэл оройлох, сэтгэлийг дээдэлвэл зөвдөх, муу нь бошгоороо бүдгэрч, сайн нь тааллаараа ялах Сайн цаг эхэлсэн гэнэм! Сайн хүн жаргах сайн цагийн гэгээ татсан гэнэм! Айсуй жилдээ Төр нь бэх, Түмэн нь тунх, Үрс нь энх орших болтугай!

Шинэ коронавирусын халдвараас урьдчилан сэргийлэх зөвлөмж, сэрэмжлүүлгийг мэдээллийн баталгаатай эх үүсвэр болох ЭМЯ-ны вэб хуудас (www.mohs.mn), фэйсбүүк цахим хуудас (https://www.facebook.com/www.mohs.mn/), НЭМГ-ын вэб хуудас (www.ubhealth.mn), фэйсбүүк цахим хуудас (https://www.facebook.com/ubemgazar/ хаягнаас авч байх. Шинэ коронавирусын өвчлөл бүртгэгдсэн улс руу зорчихгүй байх /ялангуяа БНХАУ/. Олон хүн цугларсан газарт очихоос зайлсхийх, агаарын солилцоо муутай заал, танхимд нийтийг хамарсан үйл ажиллагаанд оролцохоос зайлсхийх. Салхивчаа нээж, агаар салхи оруулж байх.

Өдөр бүр гэр орон, албан тасалгаандаа агаар салхи оруулж, агаарын солилцоог сайжруулж байх нь амьсгалын замын өвчний халдварлалтаас сэргийлэх сайн талтай. Хувийн ариун цэврийг сайн сахих. Савангаар хөөсрүүлж гараа 20 секундээс багагүй хугацаанд нямбай угаах, ханиаж найтаасан бол гараа халдваргүйтгэх. Ханиах, найтаах үедээ цэвэр салфеткаар ам, хамраа таглах юмуу эсвэл тохойгоороо халхалж шүлс, нус, цэрээ үсрэхээс болгоомжлох, гарын алгаар ам, хамраа таглахгүй байх. Байнга биеийн байдлаа хянаж, халуурах шинж тэмдэг эхэлбэл эмчид яаралтай хандах. Амны хаалтыг зүүхдээ нугалж байгаа хэсгээ гүйцэд дэлгээд ам, хамар, эрүүгээ бүгдийг халхалсны дараа хамрын самсааны дээд хэсгээр чанга хавчиж, амны хаалт болон хацар нүүрний хэсгийг сайтар наалдуулна. Амны хаалтыг зүүхээс өмнө гараа угааж, амны хаалтны дотор талыг бохирдуулахаас сэргийлэх. Нэг удаагийн амны хаалтыг 2-3 цаг тутам сольж хэрэглэн, тайлахдаа гадна талын амны бохир хэсэгт гар

хүргэлгүй, чихний уяанаас барьж устгах. Өдөр тутмын хоолны бүтцийг чухалчлах, шим тэжээлийн зохистой байдалд анхаарч мах, гурил, будаа, жимс ногооны харьцааг тэнцүүлэн, витаминыг хоолоор нөхвөрлөн, ус зохих хэмжээгээр уух. Идээ ундаагаар шинэ хэлбэрийн коронавирусын халдварлалтаас сэргийлэх зорилгоор зарим төрлийн идээ, ундаа, архи согтууруулах ундааны тухай элдэв цуу яриаг туршиж, хугацаа алдалгүйгээр эрүүл мэндийн байгууллагад хандах. Өрөө тасалгаандаа чийгтэй цэвэрлэгээг өдөрт 2-оос доошгүй удаа хийж, гар их хүрч болох, амархан бохирдох эрсдэлтэй хаалганы бариул, код, гар утас, компьютер, дэлгэц, унтраагуур, ширээ, ариун цэврийн өрөө зэргийн цэвэрлэгээ, халдваргүйжүүлэлтийг 2 цаг тутам болон бохирлогдсон тохиолдол бүрт хийх. Ил бөөлжис, нус, цэр, ялгадасыг салфетка, нойлын цаасыг ашиглан шингээж арчих,

халдваргүйтгэх бодисоор бохирдсон газар болон орчин тойрныг халдваргүйтгэх. Бага насны болон нярай хүүхдийг байнга үнсэхээс зайлсхийх. Амьтантай шууд гараар хүрэлцэх, өвчтэй мал амьтныг муулах, үхсэн мал амьтны сэг зэмд хүрэх, зэрлэг амьтны мах идэхээс татгалзах. Хооллохдоо ямар ч тохиолдолд зөвхөн өөрийн аяга, таваг, халбага, сэрээ, савхаар идэх. Хамгийн гол нь, хүүхдүүдэд бусад хүний ууж хэрэглэсэн аяга, тавгийг хэрэглэхгүй байхыг сануулж, ундааны соруул гэх мэтийг ам дамжуулан хэрэглэхгүй байх талаар хэлж, ойлгуулах. Гэр бүлийн гишүүн бүрийн тоогоор нүүр гарын алчуур, шүдний сойз хэрэглэх, тогтмол угааж, ариутгаж байх. Нийтийн эзэмшлийн газар, гудамж, талбайд нус, цэр, шүлсээ ил задгай хаяхгүй байх. Хогийн савыг дүүргэлгүй суллаж, цэвэрлэж халдваргүйжүүлж байх зэрэг болно.

Load More Related Articles
Load More By admin
Load More In Сонин хачин

Leave a Reply

Your email address will not be published. Required fields are marked *