Дуучин Ану буюу Ч.Уранхолбоо 1985 оны энэ өдөр хорвоод мэндэлжээ.
Бага байхаасаа “Гала” хамтлагийг байгуулж содон хурц өнгөөр гоёдог байсан хоёр охины дууг залуус сонсох дуртай.
Монголын урлагт шинэ өнгө төрхийг бүрдүүлж үргэлжийн гялбаа нэмж явдаг Ану ээж болоод ч гоолиг, сайхнаараа бие авч яваа сайхан бүсгүйчүүдийн төлөөлөл билээ.
Тэрээр цахим хуудаснаа “Өнөөдөр төрсөн өдөр маань тохиож байгаа юм.Тэгээд үргэлж хамт байдаг та нартаа талархал илэрхийлэхээр бичиж сууна.10н жил энэ пэйжтэй маань хамт байсан Хүн бүрт,тэр сэтгэл нэг бүрт хамт байдагт нь чин сэтгэлээсээ талархаж буйгаа хэлмээр байна.Нээрээ энэ зургийг юун зураг вэ?гэж бодож байгаа байх Сүүлийн үед Urankholboo пэйж дээрээ мэдээлэл оруулахгүй байсан нь учиртай.Бүтэн жил хүлээж байгаад суусан Бясалгалдаа анхаарсных байсан шүү. Зарим хүмүүс мэдэх байх анх цагаан хоолтон болоод Бясалгаж эхэлсэн байдаг./одоо гэхдээ цагаан хоолтон байхаа больсон байгаа.Энэ удаад хүн өөрийнхөө өндөр давтамжийн долгион дээр төвлөрч Бясалгал хийхийг сурахаар хичээлээ.Шинжлэх ухаанаар тайлбарлах боломжтой тул маш ойлгомжтой,хийгээд багшийн эрдэм мэдлэг хязгааргүй тул олон зүйлийг сурч мэдлээ.Бидний шилжин орж буй шинэ эринд Хүн төрөлхтөн ус агаарыг зайлшгүй хэрэглэдэгтэй адил бясалгалыг ч мөн хэрэглэж амьдрах эрин юм.Цаашид Бодит үнэнийг таних,харах,зуурдын чанар, хоосон чанарыг таних гэж хичээсээр байх болно.” хэмээсэн байна.
Ингээд дуучин бүсгүйдээ төрсөн өдрийн баярын мэндийг хүргээд амьдралд нь аз жаргал хүсье.
Шинэ коронавирусын халдвараас урьдчилан сэргийлэх зөвлөмж, сэрэмжлүүлгийг мэдээллийн баталгаатай эх үүсвэр болох ЭМЯ-ны вэб хуудас (www.mohs.mn), фэйсбүүк цахим хуудас (https://www.facebook.com/www.mohs.mn/), НЭМГ-ын вэб хуудас (www.ubhealth.mn), фэйсбүүк цахим хуудас (https://www.facebook.com/ubemgazar/ хаягнаас авч байх. Шинэ коронавирусын өвчлөл бүртгэгдсэн улс руу зорчихгүй байх /ялангуяа БНХАУ/. Олон хүн цугларсан газарт очихоос зайлсхийх, агаарын солилцоо муутай заал, танхимд нийтийг хамарсан үйл ажиллагаанд оролцохоос зайлсхийх. Салхивчаа нээж, агаар салхи оруулж байх.
Өдөр бүр гэр орон, албан тасалгаандаа агаар салхи оруулж, агаарын солилцоог сайжруулж байх нь амьсгалын замын өвчний халдварлалтаас сэргийлэх сайн талтай. Хувийн ариун цэврийг сайн сахих. Савангаар хөөсрүүлж гараа 20 секундээс багагүй хугацаанд нямбай угаах, ханиаж найтаасан бол гараа халдваргүйтгэх. Ханиах, найтаах үедээ цэвэр салфеткаар ам, хамраа таглах юмуу эсвэл тохойгоороо халхалж шүлс, нус, цэрээ үсрэхээс болгоомжлох, гарын алгаар ам, хамраа таглахгүй байх. Байнга биеийн байдлаа хянаж, халуурах шинж тэмдэг эхэлбэл эмчид яаралтай хандах. Амны хаалтыг зүүхдээ нугалж байгаа хэсгээ гүйцэд дэлгээд ам, хамар, эрүүгээ бүгдийг халхалсны дараа хамрын самсааны дээд хэсгээр чанга хавчиж, амны хаалт болон хацар нүүрний хэсгийг сайтар наалдуулна. Амны хаалтыг зүүхээс өмнө гараа угааж, амны хаалтны дотор талыг бохирдуулахаас сэргийлэх. Нэг удаагийн амны хаалтыг 2-3 цаг тутам сольж хэрэглэн, тайлахдаа гадна талын амны бохир хэсэгт гар
хүргэлгүй, чихний уяанаас барьж устгах. Өдөр тутмын хоолны бүтцийг чухалчлах, шим тэжээлийн зохистой байдалд анхаарч мах, гурил, будаа, жимс ногооны харьцааг тэнцүүлэн, витаминыг хоолоор нөхвөрлөн, ус зохих хэмжээгээр уух. Идээ ундаагаар шинэ хэлбэрийн коронавирусын халдварлалтаас сэргийлэх зорилгоор зарим төрлийн идээ, ундаа, архи согтууруулах ундааны тухай элдэв цуу яриаг туршиж, хугацаа алдалгүйгээр эрүүл мэндийн байгууллагад хандах. Өрөө тасалгаандаа чийгтэй цэвэрлэгээг өдөрт 2-оос доошгүй удаа хийж, гар их хүрч болох, амархан бохирдох эрсдэлтэй хаалганы бариул, код, гар утас, компьютер, дэлгэц, унтраагуур, ширээ, ариун цэврийн өрөө зэргийн цэвэрлэгээ, халдваргүйжүүлэлтийг 2 цаг тутам болон бохирлогдсон тохиолдол бүрт хийх. Ил бөөлжис, нус, цэр, ялгадасыг салфетка, нойлын цаасыг ашиглан шингээж арчих,
халдваргүйтгэх бодисоор бохирдсон газар болон орчин тойрныг халдваргүйтгэх. Бага насны болон нярай хүүхдийг байнга үнсэхээс зайлсхийх. Амьтантай шууд гараар хүрэлцэх, өвчтэй мал амьтныг муулах, үхсэн мал амьтны сэг зэмд хүрэх, зэрлэг амьтны мах идэхээс татгалзах. Хооллохдоо ямар ч тохиолдолд зөвхөн өөрийн аяга, таваг, халбага, сэрээ, савхаар идэх. Хамгийн гол нь, хүүхдүүдэд бусад хүний ууж хэрэглэсэн аяга, тавгийг хэрэглэхгүй байхыг сануулж, ундааны соруул гэх мэтийг ам дамжуулан хэрэглэхгүй байх талаар хэлж, ойлгуулах. Гэр бүлийн гишүүн бүрийн тоогоор нүүр гарын алчуур, шүдний сойз хэрэглэх, тогтмол угааж, ариутгаж байх. Нийтийн эзэмшлийн газар, гудамж, талбайд нус, цэр, шүлсээ ил задгай хаяхгүй байх. Хогийн савыг дүүргэлгүй суллаж, цэвэрлэж халдваргүйжүүлж байх зэрэг болно.
