Ерөнхий сайд Л.Оюун-Эрдэнийг НОК-ын ажилтай танилцахаар өчигдөр өглөө ирэх үед нь Нийслэлийн Засаг дарга бөгөөд Улаанбаатар хотын захирагч Д.Сумьяабазар байхгүй, харин түүнийг орлогч Засаг даргын Ж.Сандагсүрэн Ерөнхий сайдыг үүдэндээ хүлээн авчээ.
https://www.facebook.com/watch/?v=409865926957780
Үүнд Ерөнхий сайд Л.Оюун-Эрдэнэ маш ихээр бухимдаж “Бүхэл бүтэн Ерөнхий сайд, Шадар сайд хоёр ирж байхад Нийслэлийн онцгой комисс ингээд байж байж болохгүй. Нийслэлийн онцгой комиссыг цэгцлэх цаг болж” гэж хэлээд шууд гарч явсан байна.
Уг үйл явдлыг дэргэдээс нь харсан НИТХ-ын төлөөлөгч П.Наранбаяр хотын даргаас хариуцлага нэхэх цаг болж хэмээн байр сууриа илэрхийлээд авчээ.
Нийслэлийн Засаг даргын ажлыг хүлээн авснаас хойш ажлаа хийж чадахгүй байна хэмээн үргэлж адлагдаж, олон түмний шүүмжлэлийн бай болсоор ирсэн Нийслэлийн Засаг дарга Д.Сумьяабазар ажлаа хүлээж авсны 99 хоногийн ой өнөөдөр тохиож байгаа.
Гэтэл тэрбээр өнгөрсөн хугацаанд Хархорин худалдааны төвийн эзэдтэй уулзаж, түрээсийн төлбөрийг 20 хувиар бууруулсан, мөн зөвшөөрөлгүй баригдсан барилгуудыг шалгах ажлын хэсгийг байгуулсан гэхээс өөр ямар ч дорвитой ажлыг хийгээгүй нь илчлэгдсэн.
Ерөнхий сайдыг ирж байхад ажлаа тайлагнахгүй хаяж зугтаасан, нийслэлийн онцгой комиссыг удирдах чадамжгүйгээ удаа дараа батлан харуулж, ард иргэдийн уур бухимдлыг төрүүлсээр байгаа Хотын дарга Д.Сумьяабазарыг 100 хоногийнх ойн өдрөөр нь ажлаас нь чөлөөлөх шийдвэрийг Ерөнхий сайд гаргах нь гэсэн яриа гараад эхэллээ.
Эх сурвалж: livetv.mn
